Talar um föðurmissinn

Paris Jackson, dóttir tónlistarmannsins sáluga Michaels Jackson, talaði í fyrsta sinn opinberlega um föðurmissinn við sjónvarpskonuna Opruh Winfrey á dögunum. Viðtalið verður sýnt vestanhafs næsta sunnudag í nýja þætti Winfrey, Oprah's Next Chapter.

Paris talar meðal annars um að hún sakni föður síns á hverjum degi og um leikkonudrauminn en hana langar mikið að verða leikkona og hefur nú þegar landað sínu fyrsta aðalhlutverki í bíómyndinni Lundon's Bridge and the Three Keys.

Paris er nú 14 ára gömul en þrjú ár eru síðan Jackson féll frá.