Breið sátt um minni álögur

Fjárhagsáætlun Kópavogs fyrir árið 2013 var samþykkt í bæjarstjórn í síðustu viku.

Meirihluti Sjálfstæðisflokks, Lista Kópavogsbúa og Framsóknarflokks segir aðhald í rekstri einkenna fjárhagsáætlunina en á sama tíma sé haldið uppi öflugu þjónustustigi með hag barnafjölskyldna að leiðarljósi. Fulltrúar Samfylkingar og VG segja álögur á fjölskyldufólk í bænum hækka.

Meirihlutinn segir breytingar á þjónustugjöldum innan verðlagsbreytinga. ?Áætlunin er breið sátt um að minnka álögur á fólkið í bænum og byggja upp samfélag þar sem byggt er á frumkvæði og eljusemi, hvetja til uppbyggingar og athafna, en ekki eingöngu boðið upp á niðurdrepandi og íþyngjandi álögur sem taka mátt frá einstaklingum og fjölskyldum af öllum stærðum og gerðum,? bókaði meirihlutinn.

Á framkvæmdaáætlun bæjarins á næsta ári er meðal annars bygging leikskóla í Austurkór, sambýli fatlaðra í Austurkór, hjúkrunarheimilis í Boðaþingi og reiðskemmu á Kjóavöllum.

„Sérstök gæluverkefni meirihlutans eru sett í forgang svo sem bygging stærstu reiðhallar á Íslandi, glæsibygging Skógræktarfélagsins í Guðmundarlundi, jólaskreytingar og árshátíð fyrir starfsfólk bæjarins. Bæjarfulltrúar meirihlutans telja þau verkefni mikilvægari en að koma til móts við þá bæjarbúa sem höllustum fæti standa,“ segir í bókun Samfylkingar og VG. - gar