Japanir stríða Íslendingum | Ragna úr leik

Badminton konan Ragna Ingólfsdóttir féll úr keppni í átta manna úrslitum á austurríska mótinu í gær.

Ragna mætti Sayaka Takahashi frá Japan sem er í 108. sæti heimslistans en Ragna er í 73. sæti listans. Takahasi hafði betur í tveimur lotum 21-7 og 21-18.

Það má segja að Japanir hafi farið illa með Íslendinga í gær því íslenska landsliðið í knattspyrnu beið einnig lægri hlut í viðureign sinni gegn Japan.

Rögnu tókst ekki að fylgja á eftir góðum sigri á heimakonunni Simone Prutsch frá því fyrr um daginn.

Ragna keppir næst á opna þýska mótinu sem hefst á þriðjudag. Mótið þykir mjög sterkt og þarf Ragna að keppa í forkeppni mótsins. Þar mætir hún Rene Wang frá Bandaríkjunum sem er í 57. sæti heimslistans.