Vegagerðin: Færð á vegum

Það er krapi á Holtavörðuheiði, Steingrímsfjarðarheiði og Hrafnseyrarheiði samkvæmt tilkynningu frá Vegagerðinni. á Norðurlandivestra er snjóþekja á Öxnadalsheiði en það er verið að hreinsa veg.

Á Norðausturlandi eru hálkublettir í Reykjahverfi og í Aðaldal. Snjóþekja er á Fljótsheiði, Mývatnssveit, Mývatnsöræfum og Dettifossvegi.

Og á Austurlandi er snjóþekja á Möðrudalsöræfum og Fjarðarheiði en ófært er orðið um hálendisvegi norðan jökla.

Þá segir að unnið sé að viðgerð á brúargólfi Borgarfjarðarbrúar og er unnið á 2-3 bilum í einu. Aðeins önnur akreinin er opin í einu og er umferð stýrt með ljósum. Búast má við töfum, sérstaklega ef umferð er mikil.

Einnig er unnið að breikkun á þverun Borgarfjarðar beggja vegna brúarinnar. Það á ekki að valda töfum en hraði er tekinn niður og vegfarendur þurfa að gæta varúðar. Áætlað er að verkið standi til 15. október.