Gunnar og Jónína ekki að stofna nýtt trúfélag

„Nei, það er ekki rétt," segir Gunnar Þorsteinsson í Krossinum, spurður hvort að hann ásamt eiginkonu sinni, Jónínu Benediktsdóttur, undirbúi stofnun nýs trúfélags. Í helgarblaði DV var sagt frá því að miklar deilur væru innan Krossins og sjálfur stofnandinn, Gunnar, væri að undirbúa stofnun nýs trúfélags.

Í samtali við Vísi vísar Gunnar frétt DV til föðurhúsanna. Þegar blaðamaður spurði hvort hann væri enn þá í Krossinum svaraði hann: „Eigum við ekki bara að segja að staðan sé óljós."

Í DV um helgina var sagt að mikil valdabarátta væri innan trúfélagsins og fyrir fáeinum vikum hafi soðið upp úr þegar Gunnar bauð sig fram til stjórnarsetu.