Neyðarfundur boðaður í Öryggisráðinu

Fjöldi erlendra þjóðarleiðtoga og alþjóðlegra samtaka hafa fordæmt fjöldamorðinn í borginni Houla í Sýrlandi í gær.

Að sögn Þjóðarráðs Sýrlands, helstu samtökum andspyrnumanna í landinu, létust að minnsta kosti 90 manns í aðgerðum stjórnarhersins en hann lét sprengjum rigna yfir borgina. Þá er talið að um 32 börn hafi látist í árásinni.

Arabandalagið hefur kallað saman utanríkisráðherra sína og Samband Persaflóaríkja hefur skorað á alþjóðasamfélagið að grípa til aðgerða vegna atviksins.

Þá hefur William Hague, utanríkisráðherra Bretlands, boðað neyðarfund hjá Öryggisráði Sameinu Þjóðanna.

Sem fyrr halda yfirvöld í Sýrlandi því fram að erlendir hryðjuverkamenn hafi staðið að baki árásunum í Houla.