Viltu eiga áritaða treyju Barcelona-manna

Íslendingum gefst nú kostur á að eignast áritaða treyju fimm leikmanna knattspyrnuliðsins Barcelona. Unicef á Íslandi stendur fyrir SMS-leik þar sem allur ágóði rennur til samtakanna. Stórstjörnurnar Gerard Pique, Victor Valdés, Xavi Hernandez, Carlos Pyol og David Villa hafa skrifað nafn sitt á treyjuna.

„Fólk bara einfaldlega sendir sms með textanum Unicef í númerið 1900 og senda hvert kostar 1500 krónur og allur ágóði mun að sjálfsögðu renna til Unicef," segir Hólmfríður Anna Baldursdóttir kynningarstjóri Unicef á Íslandi. Vinningshafinn verður síðan dregin út sunnudaginn 1.júlí en Barcelona liðið hefur verið með merki Unicef framan á búningum sínum síðan 2006 og hafa gefið samtökunum þvi sem samsvarar 1,6 milljarði íslenskra króna.

Og peningarnir í sms-leiknum munu nýtast vel „Þetta mun fara til almennra verkefna um allan heima skóla heilsugæslu," segir Hólmfríður Anna.