Umræða um veiðigjöld stóð til miðnættis á Alþingi

Önnur umræða um veiðigjöld stóð framundir miðnætti á Alþingi í gær, þriðja daginn í röð, og var henni frestað. Umræðunni verður fram haldið á þingfundi, sem hefst klukkan hálf ellefu.

Ekkert samkomulag er um þinghald á næstunni. Nú rignir inn yfirlýsingum og ályktunum frá áhöfnum skipa og fiskvinnslufólki, þar sem frumvarpinu er mótmælt.

Þá greinir Morgunblaðið frá því að von sé á fjölda fólks af öllu landinu til Reykjavíkur á morgun til að efna til samstöðufundar á Austurvelli.