"Mannréttindi skulu ávallt vera æðri öllum lagareglum"

Öryrkjabandalag Íslands hefur mótmælt því að mannréttindi séu brotin á fötluðu fólki við framkvæmd kosninga.

Bandalagið fordæmir það að blindum og hreyfihömluðum sé ekki heimilt að velja sér aðstoðarmann. Þess í stað verða þeir að leggja traust sitt á kjörstjórnarmenn á hverjum stað. „Slíkt er ekki leynileg kosning," segir í tilkynningunni.

Þá telur bandalagið að nálgun innanríkisráðuneytisins á málið vera ranga. í yfirlýsingu frá innanríkisráðherra frá því í gær viðurkennir ráðuneytið að nauðsynlegar lagabreytingar hafi ekki verið gerðar til þess að tryggja mannréttindi fatlaðs fólks þannig að það samræmis alþjóðaskuldbindingum.

Ráðuneytið telur það ekki vera æskilegt að grípa til stjórnvaldsaðgerða sem geta verið andstæð ákvæðum laga. Slíkt gæti leitt til ógildingu kosninganna.

„ÖBÍ telur þetta vera ranga nálgun enda er ljóst að framkvæmdin er ekki í samræmi við mannréttindaákvæði," segir í fréttatilkynningunni. „Mannréttindi skulu ávallt vera æðri öllum lagareglum."