Vegir á Suðurlandi stórhættulegir í heitu veðri

Það getur verið stórhættulegt fyrir ökumenn, einkum ökumenn bifhjóla, að keyra um vegi á Suðurlandi. Eyrarvegurinn, sem liggur um Selfoss, er dæmi um slíkt. Klæðning sem Vegagerðin hefur sett á veginn er úr repju og þegar heitt er í veðri myndast mikil hálka á veginum.

„Þetta getur verið stórhættulegt því gripið hjá okkur er svo lítið," segir Hrönn Bjargar- Harðardóttir upplýsingafulltrúi Sniglanna, í samtali við Reykjavík síðdegis í gær. Þetta geti líka verið hættulegt fyrir ökumenn bíla því að þeir passi bilið á milli bílanna ekki nógu mikið. „Við erum alltaf að benda vegagerðinni á að sleppa þessu svakalega olíumagni," sagði Hrönn.

Í meðfylgjandi myndskeiði getur þú séð ástandið á Eyrarvegi um nýliðna helgi.