Hreinsaður af ásökunum um svindl á Reykjavíkurskákmótinu

Norsk skákyfirvöld hafa hreinsað dreng, sem grunaður var um að hafa svindlað á skákmóti í Reykjavík, af ásökunum um svindlið. Faðir hans var hins vegar dæmdur í eins ársbann.

Málið snýst um það að á N1 Reykjavíkurskákmótinu var ungur norskur keppandi talinn hafa svindlað með hjálp föður síns. Skákstjórar dæmdu tap á keppandann í lokaumferðinni og var hann sviptur verðlaunum fyrir bestan árangur ungmenna.

Málið var tekið fyrir hjá norskum skákdómstóli. Strákurinn var þar upphaflega dæmdur í eins árs bann en faðirinn í þriggja ára bann. Því var áfrýjað og í dag féll endanlegur úrskurður að hálfu skákyfirvalda í Noregi. Þar var strákurinn sýknaður en faðirinn fékk eins árs bann, eftir því sem fram kemur á skák.is.

Á vefnum Nettavisen segir að þetta sé í fyrsta seinn sem Norðmaður sé dæmdur fyrir svindl, en möguleikarnir á að svindla hafi aukist verulega með tilkomu nýrra farsímaforrita og tölvuforrita.