Innlent

Varð stjörf þegar hún frétti af stórvinningnum

BBI skrifar
Lottóvinningshafinn sem vann 73 milljónir 9. júní og leitað hefur verið síðustu vikurnar varð stjörf þegar hún heyrði af tíðindunum. Hún keypti miðann um leið og hún setti bensín á bílinn sinn og hafði ekki hugmynd um að hún hefði hlotið stórvinning þegar hún bað um að farið væri yfir miðann hennar í gær. Hún varð orðlaus þegar hún fékk fréttirnar.

Frá þessu er greint í vikublaði Akureyrar í dag. Íslensk getspá hefur enn ekki gefið út upplýsingar um hver sú heppna er, en ljóst er af lýsingum vikublaðsins að um konu er að ræða. Venjan er að tilgreina ekki vinningshafann fyrr en vinningurinn hefur verið greiddur út.


Tengdar fréttir

Lottómilljónamæringurinn gaf sig fram

Hinn lukkulegi vinningshafi sem keypti vinningsmiðann sinn í Lottóinu þann 9. júní síðastliðinn í Leirunesti á Akureyri og vann rúmlega 73 milljónir króna er búinn að gefa sig fram. Ekki liggur fyrir á þessari stundu hver hinn heppni er, en Íslensk getspá ætlar að gefa nánari upplýsingar um málið þegar búið er að greiða út vinninginn.

Mest lesið


Fleiri fréttir

Sjá meira


×

Mest lesið