Tískustjörnuspá fyrir desember

Meðfylgjandi má sjá örlítið brotabrot af skemmtilegri tískuspá stjörnumerkjanna fyrir desembermánuð af Tíska.is. Sigríður Klingenberg spákona skrifar:

Bogmaður: Ef nóg vinna er í kringum Bogmanninn verður hann í miklu stuði í desember. Ekkert ergir Bogmanninn eins mikið og aðgerðarleysi og þarf hann því að vinda sér í að hafa eitthvað fyrir stafni.

Steingeitin: Steingeitin ætti að steinhætta að hafa svona miklar áhyggjur því ekkert vinnst með því að velta sér upp úr hlutunum nema höfuðverkur og þunglyndi. Steingeitin ætti að hafa meira samband við vini og vandamenn í þessum mánuði og setja ást og umhyggju í allt sem hún gefur frá sér.

Vatnsberinn: Vatnsberinn þarf að forgangsraða öllum áætlunum sem hann hefur á prjónunum í desember svo þær komist fyrir á dagatalinu. Þeir er nefnilega bara 31 dagur í mánuðinum en ekki 42.

Fiskarnir: Fólk mun hrífast af Fiskunum og þeir fá hrós hvert sem þeir fara. Fiskarnir ættu að hætta að hafa áhyggjur af stórfjölskyldunni því allt fer eins og það á að fara.

Hrúturinn: Hrútarnir eru ansi stórtækir oft á tíðum og eiga það til að gefa stórar gjafir gefi þeir gjafir á annað borð. Stundum þarf að íhuga aðeins betur hvað maður kaupir og vanda valið.

Nautið: Nautið ætti að leyfa sér heldur meira en minna í desember og ekki hafa áhyggjur af Visareikningnum. Nautinu verður boðið í mörg partí og eignast fjöldan allan af nýjum vinum á þessum tíma

Tvíburarnir: Tvíburinn verður í hörkustuði á næstu mánuðum. Lífið brosir bókstaflega við honum. Satúrnus eykur eyðslugetu Tvíburans og verður hann líklega að fara að kaupa sér nýjan fataskáp fljótlega eða að flytja í stærra húsnæði.

Krabbinn: Krabbar sem eru búnir að vera duglegir að leggja peninga í varasjóð eins og þeirra er von og vísa, mega sleppa fram af sér peningabeislinu og leyfa sér að versla eins og þá lystir.

Ljónið: Ef ljónið fer sér hægt og rólega mun allt heppnast hjá því. Óvænt fjárstreymi beinist inn í líf Ljónsins á tímabilinu þegar mest liggur við og þá hlýnar því um hjartað.

Meyjan: Í desembermánuði þarf Meyjan að nýta sér skipulagsgáfu sína til fulls. Smekkvísi Meyjunnar mun bera af í mánuðinum og um að gera að leyfa öðrum að njóta þessara einstöku hæfileika.

Vogin: Vogin veit ekki hvort hún sé að koma eða fara um þessar mundir. Hún þarf að taka ákvarðanir og standa við þær, halda utan um sjálfa sig og varast streitu.

Sporðdrekinn: Mikið fjör verður á Spðorðdrekunum á þessum tíma enda sjaldan ládeyða í kringum þá. Orkan verður mikil og stórar ákvarðanir teknar.

Sjá alla stjörnuspána hér.