Tók út sykur og hveiti - léttist um 25 kg

"Ég áhvað í fyrsta lagi að ég væri búin að fá nóg að vera of feit og hringdi í manninn minn sagði honum ég hafði stigið á vigtina og var orðin 100 kíló," segir Ágústa Kolbrún Jónsdóttir eigandi Jógastúdíó í gamla Héðinshúsinu en hún hefur misst 25 kg síðan hún tók byrjaði að taka mataræðið í gegn 15. febrúar á þessu ári.

"Eftir að ég tók út sykur og hveiti hjá mér er ég farin að hafa meiri orku, ég er glaðari og ég er fókusaðari," segir Ágústa jafnframt.

"Þannig fékk ég hjálp við að hætta borða sykur og hveiti strax með heimilsfólkinu mínu. Við hreinsuðum út úr skáponum og ég fann minn takt í að breyta öllu og fyrst var þetta mál því það er margt með sykri en núna er þetta lítið mál þar sem ég er búin að vera sykurlaus í 10 mánuði. Ég les á allar umbúðir."

Skoðar innihaldslýsingar

"Fyrsta sem ég geri er að skoða innihaldslýsingar svo borða ég mikið lambakjöt en það er svo jarðtengt. Ég borða rótargrænmeti og svo drekk ég sjeika. Ég versla mikið lífrænt og nota peningana til að fjárfesta í heilsunni."

Býr til sitt eigið sælgæti

"Núna ég bý til mitt eigið nammi úr döðlum og kakó. Ég bý til flest allt sjálf. Þetta er bara að mestu að sjá lausnir hvar sem er sjá hvað maður getur borðað í stað þess að horfa á hverju maður er að missa af. Svo verður maður bara svo drullu flottur og það er bara meira gaman að vera til."

Jógastúdíó Ágústu: http://jogastudio.org