Vopnað rán í söluturni, ræningjans leitað í alla nótt

Vopnað rán var framið í söluturninum á Grundarstíg um kl. 23.30 í gærkvöldi. Ræninginn komst undan með eitthvað af reiðufé en ekki liggur ljóst fyrir um hve háa upphæð var að ræða.

Sérsveit lögreglunnar var kölluð út og leitaði hún að ræningjanum í alla nótt ásamt fjölda af lögreglumönnum af höfuðborgarsvæðinu. Sú leit stendur enn.

Engan sakaði í þessu ráni að því er segir í tilkynningu frá lögreglunni. Þar segir einnig að málið sé í rannsókn og frekari upplýsingar sé ekki hægt að veita að svo stöddu.

Óljósar fregnir herma að í ráninu hafi skoti verið hleypt af.