Nubo hyggst sækja aftur um leyfi

Kínverski fjárfestirinn Huang Nubo er ekki af baki dottinn og ætlar að sækja aftur um leyfi hjá íslenskum stjórnvöldum vegna fjárfestinga sinn á Grímstöðum á Fjöllum.

Samráðshópur ráðherra og ráðuneyta, sem fjallað hefur um fjárfestingar Huang Nubos á Grímsstöðum á Fjöllum, og leigu á jörðinni, fyrir helgina umsókn hans. Þetta var gert þar sem skortur þykir á upplýsingum um áform hans og hversu langt liðið er frá því umsóknin barst. Huang Nubo óskaði fyrir stuttu eftir fresti til að skila inn frekari gögnum en þá var liðið nærri eitt og hálft ár frá því fyrst var ljóst að hann hefði áhuga á að reka ferðaþjónustu á Grímstöðum á Fjöllum.

Halldór Jóhannsson, talsmaður Huangs Nubo, segir Nubo ætla að senda inn nýja umsókn og vonast að hún berist á næstu vikum. Hann fagnar því að nýtt umsóknarferli sé að fara í gang því með því fari málið úr höndum samráðsnefndarinnar aftur til ráðuneytisins til umfjöllunar.