Þjóðarpúlsinn: Björt framtíð nær manni inn

Björt framtíð eini nýi stjórnmálaflokkurinn til að ná manni á þing samkvæmt Þjóðarpúlsi Gallup. Flokkurinn mælist með rúmlega 8 prósenta fylgi og hefur hann bætt nokkru við sig frá fyrri könnunum.

Það er RÚV sem greinir frá þessu.

Sem fyrr mælist Sjálfstæðisflokkurinn með mest fylgi eða 35.9 prósent og er það svipað fylgi og áður. Samfylking eykur fylgi sitt lítillega milli mánaða og mælist nú með 22.5 prósent. Fylgi Vinstri Grænna mælist 10.6 prósent á meðan Framsókn mælist með 12.7 prósent fylgi.

Þá mælist Dögun með 3.8 prósent, Hægri grænir með 3.3 prósent og Samstaða með 1.9 prósent.