Höskuldur öruggur í annað sæti

Höskuldur Þór Þórhallsson fékk góða kosningu í 2. annað sæti lista Framsóknarflokksins í Norðausturkjördæmi í dag. Hann hlaut 231 atkvæði af 345 en það samsvarar 67 prósentum.

Eftir að ljóst var að Sigmundur Davíð Gunnlaugsson, formaður Framsóknarflokksins, myndi hreppa fyrsta sæti listans ákvað Höskuldur að gefa kost á sér í annað sætið.

Á eftir honum kemur Líneik Anna Sævarsdóttir með 71 atkvæði eða 21 prósent.

Áður hefur komið fram að Sigmundur Davíð hlaut tæp 63 prósent atkvæða í fyrsta sæti og mun hann leiða lista Framsóknarflokksins í Norðvesturkjördæmi fyrir alþingiskosningarnar í vor.