Krefjast frávísunar í máli fyrrverandi forstjóra FME

Gunnar Andersen og starfsmaður Landsbankans, sem ákærðir eru fyrir brot á þagnaskyldu, krefjast frávísunar málsins. Þeir eru ákærðir fyrir að hafa látið upplýsingar úr Landsbankanum í hendur Ársæls Valfells sem kom þeim síðan til fréttastjóra DV.

Málið var þingfest í morgun þar sem ákærðu neituðu báðir sök og kröfðust jafnframt frávísunar sem fyrr segir. Ástæða frávísunarkröfunnar er tilkomin vegna þess að sakborningar telja Helga Magnús Gunnarsson vararíkissaksóknara vanhæfan til þess að fara með málið.

Eins og fram kom á Vísi í morgun getur Gunnar búist við allt að ársfangelsi verði hann fundinn sekur.