Ólafur og Dorrit með krónprinsum og forsetaframbjóðanda | Myndir

Ólafur Ragnar Grímsson, forseti Íslands, og Dorrit eiginkona hans voru í góðum félagsskap þegar þau fylgdust með íslensku keppendunum á fyrsta degi sundkeppninnar á Ólympíuleikunum í Lundúnum.

Eins og sjá má á meðfylgjandi myndum sem Valgarður Gíslason, ljósmyndari Vísis og Fréttablaðsins, tók hitti hann bæði krónprinsa Noregs og Danmerkur og þá var Mitt Romney, forsetaframbjóðandi Repúblikanaflokksins í Bandaríkjunum ekki langt undan.

Hákon, krónprins Noregs og Mette Marit kona hans voru viðstödd sem og Friðrik, krónprins Danmerkur og eiginkona hans, Mary.