Innlent

Fjörutíu ár liðin frá Einvígi aldarinnar

Jón Hákon Halldórsson skrifar
Bobby Fischer bjó á Íslandi síðustu æviár sín.
Bobby Fischer bjó á Íslandi síðustu æviár sín. mynd/ pjetur.

Fjörutíu ár eru liðin í dag frá því að Einvígi aldarinnar hófst. Þá tefldu þeir Boris Spassky, heimsmeistari í skák, og Bobby Fischer sína fyrstu skák hér í Reykjavík. Skákmenn munu halda upp á daginn með því að nýtt húsnæði skákfélagsins á Suðurlandi verður vígt. Það er helgað minningu Fischers og verður í senn minningarsetur um hann. Gunnar Finnlaugsson skákáhugamaður hefur haft veg og vanda að byggingu hússins. Fischer hvílir, sem kunnugt er, í Laugardælakirkjugarði á Selfossi.



„Þetta er gleðidagur í íslenskri skáksögu," segir Hrafn Jökulsson, formaður skákfélagsins Hróksins. „Við horfum um öxl til þessa atburðar sem kom Íslandi á heimskortið og bar svo sérstakan sess í skáksögunni að það er ekki lengur vísað til hans sem einvígis aldarinnar heldur einvígis allra tíma," bætir hann við.

Einvígi aldarinnar Skák Reykjavík Tímamót
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið