Eldurinn í Kópavogi: Nágrannar beðnir um að loka gluggum

Fólk sem finnur fyrir reykjalykt vegna eldsvoðans í Vesturvör er vinsamlegast beðið um að loka fyrir gluggum í híbýlum sínum og kynda þau. Þetta kemur fram í fréttaskeyti sem slökkviliðið sendi fjölmiðlum nú rétt eftir klukkan hálfeitt.

Eldurinn er í húsi númer 24 við Vesturvör. Þar er er meðal annars rekið bílasprautunarverkstæði. Töluverður eldur kom upp í húsinu og leggur mikinn reyk yfir Kópavog.

Allt tiltækt lið slökkviliðsins var kallað út vegna eldsins. Samkvæmt upplýsingum frá slökkviliðinu gengur slökkvistarf ágætlega, en enn er töluverð vinna eftir.