Atriði Of Monsters and Men í Jay Leno

Tónlistaratriðið sem íslenska hljómsveitin Of Monsters and Men flutti í spjallþætti Jay Leno á dögunum hefur verið birt á Netinu. Hljómsveitin kom til landsins úr tónleikaferð í byrjun vikunnar og ætlar að halda tónleika í Hljómskálagarðinum um helgina.

Nanna Bryndís Hilmarsdóttir, sem er í hljómsveitinni, sagði í samtali við Vísi í gær að það hafi verið mikil lífsreynsla að spila í þættinum. Þátturinn er einn sá vinsælasti sinnar tegundar en að meðaltali horfa um fjórar milljónir manna á hverja útsendingu.

Horfi menn á myndskeiðið sem fylgir þessari frétt er ekki annað að sjá en að Íslendingar geti verið rígmontnir af frammistöðu landa sinna hjá Jay Leno.