Kjörsókn lakari en oft áður

Tæplega 28 þúsund manns höfðu kosið í báðum Reykjavíkurkjördæmunum klukkan fjögur í dag. Það er töluvert minni kjörsókn sé litið til síðustu þjóðaratkvæðagreiðslu varðandi Icesave, og mun lakara en í Alþingiskosningunum árið 2009.

kjörsókn í Suðvesturkjördæmi var 27,1%, en þá höfðu tæplega sautján þúsund manns kosið. Aftur er það töluvert lakara sé til að mynda litið til þjóðaratkvæðagreiðslunnar á síðasta ári. Þá höfðu tæplega 20 þúsund manns kosið á sama tíma.

Sé litið sérstaklega til Kópavogs þá höfðu rétt rúmlega sjö þúsund kjósendur greitt atkvæði á kjörstað klukkan fjögur. Kjörsókn var þá 31,5%. Í Alþingiskosningunum árið 2009 höfðu tæplega tíu þúsund kosið á sama tíma.

Kjörsökn í Norðvestur kjördæmi kl 16:30 var 30,69%.

Hafa verður þó í huga að 35 þúsund greiddu atkvæði utan kjörfundar.