Skoðanakannanir oftast í samræmi við niðurstöðuna

Sagan sýnir okkur í rauninni það að skoðanakannanir fara nokkuð nærri niðurstöðu kosninga. Þetta sagði stjórnmálafræðingurinn Stefanía Óskarsdóttir um komandi forsetakosningar í útvarpsþættinum Reykjavík Síðdegis í dag.

„Nú getum við bara beðið eftir næstu könnun og þá vitum við svona nokkurn veginn hvernig þetta fer," sagði hún í viðtalinu.

Henni finnst í raun allt sem segja þarf í þessari kosningabaráttu þegar hafa verið sagt. „Nú verður bara fróðlegt að sjá hvort auglýsingaherferð Þóru mun skila árangri," bætti hún við.

Stefanía var ánægð með kosningaþátt Stöðvar 2 sem sýndur var í gær. Henni þótti formið afslappað, spyrlarnir til fyrirmyndar og þátturinn góður. Henni fannst Ólafur eiga slaka byrjun en sækja í sig veðrið eftir að leið á þáttinn. Hins vegar fannst henni Þóra byrja vel en dala svo smátt og smátt.