Fjórir slösuðust í bílslysi

Fjórir slösuðust, en engin alvarlega eftir því sem best er vitað, þegar kona missti stjórn á bíl sínum á Svalbarðsstrandarvegi við Eyjafjörð í gærkvöldi, og bíllinn þeyttist út af veginum.

Bíllinn fór niður háan vegkant og hafnaði á stórum steini í lækjarfarvegi, og var höggið mikið, að sögn lögreglu.

Fólkið var flutt í sjúkrabíl á sjúkrahúsið á Akureyri til aðhlynningar. Konan var ný farin fram úr öðrum bíl, þegar hún missti stjórn á bíl sínum, sem er stórskemmdur, eða ónýtur.