Dorrit og Dagur í hópreið - bein útsending á Vísi

Formleg setningarathöfn frá Landsmóti hestamanna í Víðidal verður klukkan hálfníu í kvöld. Athöfnin verður í beinni útsendingu hér á Vísi.

Dorrit Moussieff forsetafrú og Dagur B. Eggertsson, formaður borgarráðs, munu leiða hópreið á setningarathöfninni.

Á sjötta þúsund manns eru nú þegar samankomnir á mótinu en búist er við því að fjöldinn aukist í kvöld, enda er gert ráð fyrir góðu veðri.

Fram kemur á vefnum Eiðfaxi.is að Helgi Björns og Reiðmenn vindanna, KK, Ingó veðurguð og fleiri munu skemmta á opnunarhátíðinni.