Í sjöunda himni eftir heimsókn til lögreglunnar

Lögreglan á höfuðborgarsvæðinu bjargaði degi konu nokkurrar sem kom á stöðina til að tilkynna um týnda Sony videotökuvél. Konan var að vonum niðurdregin og gerði sér engar vonir um að vélina væri að finna hjá lögreglunni, kom bara á stöðina til að fylla út þar til gert eyðublað eins og ber að gera í tilvikum sem þessum.

Árvakur lögreglumaður sem afgreiddi konuna áttaði sig hins vegar strax á því að videotökuvél sem fannst klukkutíma áður á Austurvelli hlaut að vera sama vélin. Svo reyndist líka vera og að sögn lögreglu er engum ofsögum sagt að konan var í sjöunda himni þegar hún hélt á nýjan leik út í veðurblíðuna með þetta rándýra tæki í farteskinu.