Vegurinn að Látrabjargi þarfnast viðhalds

Ferðafélag V-Barðastrandasýslu skorar á Vegagerð Ríkisins að sjá til þess að viðgerð á veginum út að Látrabjargi verið kláruð.

Vegagerðin er sögð hafa borið því við að ekki sé nægilegt fjármagn til að klára framkvæmdina. Miðað við þann fjölda ferðamanna sem fer um svæðið á hverju sumri telur ferðamálafélag V-Barð. það ekki ásættanlegt og segir veginn stofna lífum fólks í hættu.

Vegurinn þykir ófær vegna grjóts og fjölda holna. Vegna þessa var Vegagerðinni send áskorun þann 28. maí. Í kjölfarið var veginum að einhverju leyti sinnt en ekki á fullnægjandi hátt að mati ferðafélagsins sem hér með hefur ítrekað áskorun sína.