Ingibjörg Kristín í undanúrslit í 50 metra baksundi

Ingibjörg Kristín Jónsdóttir úr Sundfélagi Hafnarfjarðar tryggði sér í morgun sæti í undanúrslitum í 50 metra baksundi á Evrópumeistaramótinu í Ungverjalandi.

Ingibjörg synti á tímanum 29.23 sekúndur sem var tólfti besti tíminn í undanrásunum og aðeins fimm hundruðustu frá sínum besta tíma, 29.18 sekúndum.

Íslandsmetið í greininni er í eigu Söruh Bateman Blake. Hún setti það á Íslandsmótinu innanhúss í vetur og er sléttar 29 sekúndur.

Jóhanna Gerður Gústafsdóttir úr Ægi keppti einnig í sundinu og kom í mark eftir 31.48 sekúndur. Tíminn var sá lakasti í undanrásunum.