Spor fannst í sandinum

„Við erum bara að leita, þetta er sannarlega stórt svæði." Þetta segir varðstjóri lögreglunnar á Blönduósi en leit stendur nú yfir að ísbirni á Húnaflóa.

Veginum út á Vatnsnes hefur nú verið lokað.

Þyrla Landhelgisgæslunnar hefur hjálpað til við leitina í kvöld. Tveir erlendir ferðamenn tilkynntu um ferðir dýrsins á sjötta tímanum í kvöld.

„Það er ekki auðvelt að elta uppi dýrið enda hefur það líklega verið í sjónum."

Samkvæmt upplýsingum frá lögreglunni fannst spor í sandi en ekki er vitað hvort að það sé eftir bjarndýr.

„Við göngum út frá því að þetta sér spor eftir ísbjörn,“ segir Kristján Þorbjörnsson, yfirlögregluþjónn.



Ekki hefur verið haft upp á ferðamönnunum sem tilkynntu um dýrið.