Bátinn Njörð rak yfir þúsund mílur

Björgunarbátur frá Suðurnesjum týndist á Faxaflóa árið 2009 er kominn í leitirnar. Hann fannst í Norður-Noregi á dögunum, í um sautján hundruð kílómetra fjarlægð.

Báturinn Njörður Garðarsson slitnaði aftan úr björgunarskipinu Hannesi Þ. Hafstein þegar brot kom á skipið. Stýrimaður Hannesar slasaðist lítillega þegar brotsjórinn skall á og því var ákveðið að snúa strax til lands og vonuðust menn til þess að finna bátinn síðar. Ekkert spurðist hinsvegar til hans fyrr en á dögunum þegar norska strandgæslan fann hann marandi í hálfu kafi við strendur Norður Noregs.

„Við höfum nú heyrt ýmislegt en þetta var eitthvað sem við bjuggumst ekki við að við fengum nokkurntímann að heyra hvað hefði orðið um þennan bát," segir Siggeir Pálsson í björgunarsveit Suðurnesja.

Siggeir segir að á laugardaginn hafi hann fengið símtal frá norsku strandgæslunni þar sem honum var tjáð að báturinn væri fundinn.

„Ég hélt að hann væri bara að grínast í mér." sagði Siggeir, enda er ferðalag bátsins ótrúlega langt og merkilegt þykir að enginn skuli hafa séð hann á reki.

„Gróflega áætlað eru þetta 1077 mílur og 996 dagar þangað til hann finnst."

Þótt báturinn sé að mestu leyti ónýtur segist Siggeir vonast til að fá flakið hingað til lands.

„Við vonumst til að fá hann til landsins og sýna hann. Ég held við fötum varla að gera hann upp nema einhver vilji kaupa svona bát," segir hann.