Skref á leiðinni í dýrlingatölu

Benedikt páfi XVI. hefur formlega staðfest að forveri hans á páfastóli hafi gert kraftaverk. Staðfestingin er fyrsta skrefið í að koma Jóhannesi Páli páfa II. í dýrlingatölu, að því er BBC segir frá.

Kraftaverkið sem honum er eignað er að hafa læknað nunnu af parkinsonsveikinni.

Franska nunnan Marie Simon-Pierre, sem er á fimmtugsaldri, segir parkinsonsveikina hafa horfið um tveimur mánuðum eftir dauða páfa árið 2005, en hún og aðrar nunnur hafi beðið til hans. Læknar kaþólsku kirkjunnar telja enga aðra skýringu en kraftaverk koma til greina. - bj