Eltihrellir handtekinn

Nálgunarbann hefur verið sett á brjálaðan aðdáanda leikkonunnar Sharon Stone. Maðurinn má ekki koma nær húsi leikkonunnar og þriggja barna hennar en eitt hundrað metra. Hann sást á lóð hennar fyrr í mánuðinum og í framhaldinu var hann handtekinn af lögreglu og fluttur á geðdeild.

Stone sagði í viðtali við CNN að maðurinn væri veikur á geði og bætti við hún hefði ekki verið heima þegar hann var handsamaður fyrir utan heimili hennar. Stone er líklega þekktust fyrir hlutverk sitt í spennumyndinni Basic Instinct. Hún var tilnefnd til Óskarsins árið 1995 fyrir frammistöðu sína í Casino.