Íslenskir björgunarsveitarmenn tilbúnir

Íslenska alþjóðabjörgunarsveit Slysavarnafélagsins Landsbjargar hefur verið sett á vöktunarstig eftir jarðskjálftann í Tyrklandi. Stjórnendur sveitarinnar fylgjast með ástandinu í gegnum upplýsingaveitur Sameinuðu þjóðanna og fréttir en enn sem komið er hefur lítið borist af staðfestum upplýsingum um skaðann sem skjálftinn olli.

Fimmtán til tuttugu alþjóðlegar rústabjörgunarsveitir eru nú á vöktunarstigi eins og sú íslenska en ekki hefur komið formleg beiðni um aðstoð þeirra frá Tyrklandi.

Íslenska alþjóðabjörgunarsveitin er skipuð björgunarsveitamönnum, læknum frá Landspítala háskólasjúkrahúsi og bráðatæknum frá Slökkviliði höfuðborgarsvæðisins.