Fimmtungi fóstra er eytt á Íslandi

Næstum fimmta hverju fóstri á Íslandi er eytt, samkvæmt tölum sem birtust í Talnabrunni Landlæknis í dag. Sé Ísland borið saman við önnur Norðurlönd eru tiltölulega fáar fóstureyðingar framkvæmdar hér á landi miðað við annarsstaðar.

Tölur Landlæknis eru úr skýrslunni Induced aborttions in the Nordic countries, en hún byggir á gögnum frá árinu 2009. Það ár voru samtals tæplega 81 þúsund fóstureyðingar gerðar á Norðurlöndunum. Hlutfallslega flestar voru gerðar í Svíþjóð, eða 335 á hverja 1000 lifandi fædda en fæstar í Finnlandi. Á Íslandi voru hins vegar gerðar 193 fóstureyðingar á móti hverjum 1000 sem fæddust lifandi.

Landlæknir segir að sé tekið mið af 1000 lifandi fæddum einstaklingum þá hafi fóstureyðingum fækkað nokkuð á Íslandi undanfarinn áratug, úr 228 árið 1999 í ríflega 193 árið 2009.