Víkingur Heiðar á fyrstu tónleikunum

Það ætti ekki að hafa farið framhjá neinum að fyrstu tónleikarnir í tónlistarhúsinu Hörpu fara fram í kvöld.

Um er að ræða tónleika Sinfóníuhljómsveitar Íslands með fjölbreyttu efnisvali. Víkingur Heiðar Ólafsson er á meðal þeirra einleikara sem koma fram með Sinfóníuhljómsveitinni. Uppselt var á tónleikana í kvöld og því verða tvennir tónleikar til viðbótar.

Helgina 13. - 15. maí næstkomandi verður svo opnunarhátíð Hörpunnar. Þá mun almenningi gefast kostur á að skoða húsið.