Umfjöllun: KR skellti Íslandsmeisturunum

Kjartan Henry Finnbogason var stjarna leiks Breiðabliks og KR í kvöld. Hann skoraði tvö mörk, lék vel og fékk þess utan dæmt á sig víti. Það kom ekki að sök því KR vann leikinn, 2-3.

Fyrri hálfleikur var mikil skemmtun þar sem bæði lið sóttu af krafti. Þó svo Blikar hafi misst mann af velli þá hafði það ekki áhrif á spilamennsku liðsins og þeir hefðu átt að komast yfir fljótlega eftir að Ingvar Kale var rekinn af velli á 20. mínútu.

Botninn datt úr sóknarleik Blika í síðari hálfleik og það var algjör óþarfi hjá KR-ingum að hleypa leiknum í spennu í uppbótartíma.

Blikar þurfa ekki að vera svartsýnir því tíu leikmenn liðsins spiluðu vel þær 70 mínútur sem liðið var manni færri. Það munar um að Kale leikur ekki gegn FH en Sigmar Ingi komst vel frá sínu í kvöld. Hann þarf að endurtaka það í næsta leik.

KR-ingar voru stálheppnir að missa ekki Magnús Má af velli í fyrri hálfleik en hann átti klárlega að fá rauða spjaldið. Sóknarleikur liðsins lofar góðu sem og miðjuspilið. Varnarleikurinn er þó hausverkur og þar eru KR-ingar veikir fyrir.

Breiðablik-KR  2-3

0-1 Kjartan Henry Finnbogason, víti (7.)

1-1 Kristinn Steindórsson, víti (15.)

1-2 Kjartan Henry Finnbogason (36.)

1-3 Finnur Orri Margeirsson, sjm (57.)

2-3 Guðmundur Kristjánsson (90.+1)

Áhorfendur: 2.269

Dómari: Magnús Þórisson  5.

Skot (á mark): 7-16 (3-11)

Varin skot: Ingvar 1, Sigmar 6 – Hannes 1

Horn: 1-6

Aukaspyrnur fengnar: 11-7

Rangstöður: 1-4

Breiðablik (4-3-3)

Ingvar Þór Kale  4

Arnór Sveinn Aðalsteinsson  4

Kári Ársælsson  5

Elfar Freyr Helgason  5

Kristinn Jónsson  6

(82., Andri Rafn Yeoman  -)

Guðmundur Kristjánsson  5

Jökull Elísabetarson  4

Finnur Orri Margeirsson  4

Haukur Baldvinsson  5

(22., Sigmar Ingi Sigurðarson  6)

Arnar Már Björgvinsson  7

(64., Tómas Óli Garðarsson  6)

Kristinn Steindórsson  5

KR (4-3-3)

Hannes Þór Halldórsson  6

Magnús Már Lúðviksson  4

(46., Dofri Snorrason  5)

Skúli Jón Friðgeirsson  6

Grétar Sigfinnur Sigurðsson  6

Guðmundur Reynir Gunnarsson  5

Bjarni Guðjónsson  6

Viktor Bjarki Arnarsson  6

Baldur Sigurðsson  4

Óskar Örn Hauksson  5

Kjartan Henry Finnbogason  8 – Maður leiksins

(82., Ingólfur Sigurðsson  -)

Guðjón Baldvinsson  4

(79., Gunnar Örn Jónsson  -)