Dawson rotaði hinn 46 ára Hopkins

Hnefaleikakappinn Chad Dawson vann í nótt Bernard Hopkins, en sá síðarnefndi var áður heimsmeistari WBC keppninnar.

Hopkins er 46 ára og var elsti keppandinn í sögunni til að verða heimsmeistari en hann tapaði beltinu í Los Angeles í nótt.

Bardaginn var ekki langur í nótt og vann Dawson á tæknilegu rothöggi í annarri lotu. Hopkins var allt annað en sáttur við niðurstöðu dómarans að bardaganum loknum.

Hopkins hefur unnið 52 bardaga á ferlinum og tapað sex en líklegt er að hann leggi skóna á hilluna eftir bardagann í nótt.

Chad Dawson er 17 árum yngri en Hopkins og hefur unnið 33 bardaga á ferlinum, en aðeins tapað einum.