Leiguvél á leið til Skotlands

Leiguvél er á leið til Inverness í Skotlandi til að sækja farþega Iceland Express. Ástæðan er sú að vél á vegum Iceland Express sem farþegarnir voru í millilenti þar af öryggisástæðum fyrr í dag.  Um borð í vélinni voru 146 farþegar og áhöfn. Upplýsingafulltrúi Iceland Express segir að farþegarnir hafi fengið reglulega smáskilaboð um stöðu mála og fengið nóg af mat og drykk meðan þeir hafa þurft að bíða.

Ákveðið var að senda leiguvél eftir farþegunum í stað þess að láta þá bíða eftir því, að flugvirkjar yfirfari vélina.   Reiknað er með að leiguvélin fari frá Inverness um klukkan 21 að staðartíma.