Óvíst hvaða skatt á að greiða af ofurtekjunum

Ríkisskattstjóri hefur ekki tekið afstöðu til þess ennþá hvernig standa skuli skil á skattgreiðslum af tekjum nefndamanna í skilanefndum og slitastjórnum bankanna.

Nefndamenn í skilanefndum og slitastjórnum bankanna fengu greiddar tugmilljónatekjur á síðasta ári. Kjörin eru langt umfram það sem meðallaunamenn fá. Ekkert liggur þó fyriir um hvort reikna eigi tekjurnar sem verktakagreiðslur eða laun. „Að minnsta kosti ekki á þessu stigi, þá verður ekkert gefið upp um það opinberlega hvort svo sé," segir Skúli Eggert í samtali við Vísi. Aðspurður hvort embættið sé að skoða þessi máli segist Skúli ekkert vilja tjá sig um það.

Engu að síður er tilfellið svo að nefndarnenn í skilanefndum Kaupþings, gamla Landsbankans og Glitnis fá greidd verktakalaun, en eru ekki launþegar hjá nefndunum. Þetta hefur töluverð áhrif á það hvernig tekjurnar eru skattlagðar. Til að mynda greiða nefndarmennirnir ekki útvar af verktakagreiðslunum, en greiða hins vegar virðisaukaskatt af þeirri upphæð. Þá greiða þeir ekki tekjuskatt einstaklinga af heildarsummunni heldur fjármagnstekjuskatt, eða tekjuskatt fyrirtækja, eftir því hvaða rekstrarform er á félaginu sem tekjurnar eru greiddar inn í.

Ríkisskattstjóri segir að viðmiðunarreglur embættisins geri ráð fyrir að þeir sem sitji í skilnefndum eða slitastjórnum beri að reikna sér tiltekna fjárhæð í laun sem sé 1500 þúsund á mánuði. „Mismunurinn er svo skattlagður sem rekstrarhagnaður," segir Skúli Eggert Þórðarson.