Keyrði yfir 33 tommu dekk

Umferðaróhapp varð á Suðurlandsvegi, rétt fyrir ofan Draugahlíðarbrekkur, þegar að ökumaður missti stjórn á bifreið sinni með þeim afleiðingum að hún skall utan í vegrið. Bíllinn er óökufær en enginn slasaðist í óhappinu. Töluverður snjór var á svæðinu og mikil hálka.



Þá varð annað umferðaróhapp í umdæmi lögreglunnar á Selfossi í kvöld. Bíll keyrði þá yfir 33" dekk sem lá á Eyrarbakkavegi. Samkvæmt upplýsingum frá lögreglu virðist dekkið, sem er varadekk, dottið af bíl sem átti leið um veginn í kvöld. Bíllinn sem keyrði yfir dekkið er töluvert skemmdur. Eigandi varadekksins getur vitjað dekksins á lögreglustöðinni á Selfossi.

Þá var einn ökumaður tekinn grunaður um akstur undir áhrifum kannabis á Selfossi í kvöld.