Innlent

Ein umfangsmesta rýmingaraðgerð á Íslandi - myndskeið

Jón Hákon Halldórsson skrifar
Talið er að um sex hundruð manns hafi yfirgefið heimili sín vegna eldgossins í Eyjafjallajökli.

Að mati Sveins Kristjáns Rúnarssonar, yfirlögreglumanns á Hvolsvelli, er þetta umfangsmesta aðgerð sinnar tegundar á landinu. Þeim sem yfirgáfu heimili sín var gert að skrá sig vegna þess. Sveinn segir að 440 manns hafi skráð sig á Hvolsvelli, en jafnframt hafi fólk skráð sig í Varmahlíð, Skálakoti, Drangshlíð, Heimalandi og Vík. Sveinn segir að langflestir þeirra sem skráðu sig á Hvolsvelli hafi fengið gistingu hjá vinum og vandamönnum en um 15 - 20 manns hafi þegið gistingu í Hvolsskóla. En þótt aðgerðin sé umfangsmikil er þó rétt að benda á að aðgerðirnar vegna gossins í Heimaey 1973 voru umtalsvert umfangsmeiri.

En lögreglan hefur ekki einungis verið að sinna fólki sem þurfti að yfirgefa heimili sín heldur hefur líka þurft að loka Suðurlandsvegi. Veginum var lokað austan við Selfoss og önnur lokun var við Hellu. Svo var lokað við Hvolsvöll og aftur við Fljótshlíð. Þá er lokað við Vík. Lögreglan fylgist með því að vegartálmarnir séu virtir.

Smelltu á „Horfa á myndskeið með frétt" til þess að skoða hreyfimyndir sem Baldur Hrafnkell Jónsson kvikmyndatökumaður tók af gosinu. Það var svo Vilhelm Gunnarsson sem tók ljósmyndina sem fylgir fréttinni.




Tengdar fréttir

Þrír flugvellir lokaðir vegna gossins

Keflavíkurflugvelli, Reykjavíkurflugvelli og Akureyrarflugvelli hefur verið lokað þar til ítarlegri upplýsingar um gosið í Eyjafjallajökli liggja fyrir. Þetta er gert samkvæmt viðbúnaðaráætlun Flugstoða.

Fleiri skjálftar undir Eyjafjallajökli

Mun meiri skjálftavirkni var undir Eyjafjallajökli í nótt en í fyrrinótt. Þar hafa mælst 30 til 40 skjálftar á klukkustund og var sá snarpasti 2,6 á Richter. Flestir voru þó um og innan við tveir á Richter.

Enn skelfur í Eyjafjallajökli

Enn skelfur undir Eyjafjallajökli en skjálftarnir eru ekki stórir. Þar hafa mælst 30 til 40 skjálftar á klukkustund og var sá snarpasti 2,4 á Richter. Flestir voru þó um og innan við tveir á Richter. Upptök skjálftanna eru á stærra svæði en áður.

Gosið virðist byrja rólega

Gosið í Eyjafjallajökli sést hvorki á radar né mjög glöggt á jarðskjálftamælum, segir Steinunn Jakobsdóttir, jarðskjálftafræðingur á Veðurstofunni.

Gosbjarmi frá Eyjafjallajökli og öskufall í byggð

Eldgos hófst í austan verðum Eyjafjallajökli upp úr klukkan tólf í nótt. Almannavarnir hafa lýst yfir neyðarstigi og brottflutningur er hafinn á fólki í nágrenni gostöðvanna. Víðir Reynisson aðgerðarstjóri hjá Almannavörnum

Dómsmálaráðherra upplýstur um gang mála

Dómsmálaráðherra, Ragna Árnadóttir, hefur verið látin vita af gangi mála í Eyjafjallajökli, segir Víðir Reynisson, yfirmaður almannavarnadeildar Ríkislögreglustjóra.

Fólki safnað saman undir Eyjafjallajökli

Undir Eyjafjallajökli er verið að safna íbúum saman og skrá þá. Fólki er síðan beint að Vík í Mýrdal. Þar verður fólkið á meðan að óljóst er um gang mála, segir Jón Ársæll Þórðarson fréttamaður sem staddur er í Drangshlíð.

Gríðarlegan gosmökk leggur frá gosstöðvunum

Gríðanlegan gosmökk leggur frá gösstöðvunum í Eyjafjallajökli, segir Kristján Már Unnarsson fréttamaður sem staddur er i grunnskólanum á Hvolsvelli og fylgist með því sem þar fer fram. Hann segir að ekki sjáist til gosstöðvanna frá Hvolsvelli vegna gosmakkarins. Hvasst er á Hvolsvelli og virðist áttin vera þannig að mökkinn leggi að Hvolsvelli. Þyrla flaug yfir svæðið fyrir fáeinum mínútum en gat heldur ekki séð neitt til gosstöðvanna vegna gosmakkarins.

Gos hafið í Eyjafjallajökli

Gos er hafið í Eyjafjallajökli. Þetta staðfesti lögreglan á Selfossi við Vísi. Lögreglan segir að menn hafi orðið varir við öskufall í jöklinum um korter yfir tólf.

Ummerki gossins sjást núna langar leiðir

Það kemur á óvart hvað eldurinn frá Eyjafjallajökli sést langar leiðir, segir Kristján Már Unnarsson, á fréttastofu Stöðvar 2 og Vísis. Hann er nú á leið að jöklinum og segist hafa séð merki gossins alveg frá því að hann var undir Ingólfsfjalli.

Gosið ekki í ís

Ari Trausti Guðmundsson jarðeðlisfræðingur segir að bjarminn sem kemur frá gosinu bendi til þess að þarna komi glóandi kvika. Gosið komi ekki upp í ís því þá væri gjóskufjallið meira.

Bændum heimilt að fara inn á lokuð svæði í birtingu

Bændum heimilt að fara inn á lokuð svæði undir Eyjafjallajökli í birtingu til þess að sinna búpeningi í birtingu. Bændur óttuðust mjög í nótt um að búfé stafaði ógn af öskufalli frá gosinu.

Fólk safnast saman í grunnskólanum á Hvolsvelli

Íbúar í Fljótshlíð, Landeyjum, Þykkvabæ og annar staðar í nágrenni við Eyjafjallajökul eru nú að safnast saman í grunnskólanum á Hvolsvelli. Þar eru íbúar skráðir niður og þurfa að hafast við í nótt á dýnum eða í bílum en í öruggu skjóli frá jöklinum. Mikill mannfjöldi er saman komin þar nú en vitað var að rúmlega 600 hundruð manns þurftu að yfirgefa heimili sín yrði gos í jöklinum en auk þess eru ferðamenn á staðnum.

Rólegra undir Eyjafjallajökli í dag

Rólegra hefur verið undir Eyjafjallajökli í dag en undanfarna daga. Skjálftarnir mældust allt upp í 1400 á sólarhring fyrr í vikunni á mælum hjá

Gosið sést frá Vestmannaeyjum

Lögreglan í Vestmannaeyjum segist sjá smá bjarma í vestanverðum Eyjafjallajökli. Bjarminn sé kki mikill og sjáist ekki vel. Lögreglan segir að mikið að fólki í Vestmannaeyjum sé úti í Hrauni að fylgjast með. Lögreglan segir að fólki í Vestmanneyjum sé nokkuð brugðið enda muna Eyjamenn gosið í Heimakletti 1973.

Flugbann yfir eldstöðvunum

Þremur flugvélum Icelandair sem voru á leið frá Seatle, Orlando og New York í Bandaríkjunum, var snúið frá því að koma til íslands vegna eldgossins í Eyjafjallajökli. Flugvélunum frá Seattle og og Orlando var snúið til Boston en flugvélinni frá New York var snúið til Glasgow í Skotlandi.

Aukafréttatími á Stöð 2 í hádeginu á morgun

Stöð 2 verður með aukafréttatíma í hádeginu á morgun. Þar verða sýndar myndir af gosinu, myndir sem teknar voru í Hvolsskóla í nótt, myndir úr samhæfingarmiðstöðinni í Skógarhlíð og ítarlega verður gert grein fyrir stöðu mála.

Minni skjálftavirkni

Skjálftavirkni var enn undir Eyjafjallajökli í nótt, en þó mun minni en þegar mest var. Engin skjálfti mældist heldur yfir þremur á Richter og upptökin voru á miklu dýpi sem fyrr.

Mest lesið


Fleiri fréttir

Sjá meira


×

Mest lesið