Ráðherra vildi selja áhrif sín

Fyrrverandi breskur ráðherra hefur haft samband við siðanefnd breska þingsins vegna ásakana um að hann hafi boðist til þess að beita áhrifum sínum í ríkisstjórninni gegn greiðslu.

Stephen Byers er fyrrverandi samgönguráðherra. Hann var myndaður á laun þar sem hann bauðst til þess að beita pólitískum áhrifum sínum fyrir einkaaðila fyrir 5000 sterlingspunda greiðslu á dag. Það er tæplega einn milljón króna.

Á sjónvarpsupptökunni gortar Byers af því að hann hafi fengið í gegn breytingar á lögum fyrir stór fyrirtæki.

Byers hélt því síðar fram að hann hefði ýkt áhrif sín.