Breskur Fritzl níddist á dætrum sínum

Bresk yfirvöld hafa beðið dætur manns sem níddist á þeim og nauðgaði ítrekað í meira en 25 ár afsökunar á því að hafa brugðist þeim. Í gær var birt skýrsla þar sem kom fram að röð mistaka fag- og eftirlitsaðila kom í veg fyrir upp komst um misnotkunina. Manninum sem er 57 ára gamall hefur verið líkt við Austurríkismanninn Joseph Fritzl sem hélt dóttur sinni fanginni í 24 ár og eignaðist með henni börn.

Breski maðurinn eignaðist níu börn með tveimur dætrum sínum og lifðu sjö þeirra. Tvö þeirra fæddust með erfðagalla og létust skömmu eftir að þau komu í heiminn.

Þrátt fyrir grunsemdir eftirlitsaðila voru börnin aldrei tekinn af manninum. Upp komst um málið fyrir tveimur árum og var fjölskyldufaðirinn þá dæmdur í lífstíðarfangelsi.