Tískustraumar innantómir og tilgangslausir

Tískumógúllinn Calvin Klein heldur því fram að að tiskutrend svokölluð, eða tíska sem markar stefnu, eru algjörlega innantóm og tilgangslaus.

Calvin segir að fólk sé allt of upptekið af innantómri tískustefnu í stað þess að klæða líkama sinn eins og fer honum best hverju sinni.

„Af því að ég er ekki tengdur tískuheiminum lengur er ég svo feginn að vera ekki endalaust að spá í tískustraumum því þeir eru innantómir og tilgangslausir hvort eð er," sagði Calvin.

„Um leið og þú sérð eitthvað nýtt sem fólk klæðist er það ekki lengur í tísku."