Sharon Osbourne: Ozzy er mjög rómantískur

Sharon Osbourne segir að eiginmaður hennar, Ozzy, sé mun rómantískari en hún sjálf. Þau eiga 28 ára brúðkaupsafmæli í dag og af því tilefni bauð Ozzy elskunni sinni til Feneyja. „Hann er miklu rómantískari en ég. Hann leggur meira upp úr hlutunum en ég," sagði Sharon í gær og bætti við að hana hlakkaði til að heimsækja Feneyjar með eiginmanni sínum.

Sharon og Ozzy höfðu búið saman í tvö ár þegar þau giftu sig á þessum degi fyrir 28 árum. Sharon er dóttir Don Arden sem var umboðsmaður hljómsveitarinnar Black Sabbath sem skaut Ozzy á stjörnuhimininn. Eftir að þau giftust gerðist Sharon umboðsmaður Ozzy.