Big Ben sakaður um nauðgun

Tvítug kona hefur sakað Ben Roethlisberger, leikstjórnanda Pittsburgh Steelers, um að hafa nauðgað sér á skemmtistað í gær.

Roethlisberger, sem er oftast kallaður Big Ben, var að skemmta sér með félögum sínum og eflaust að fagna afmæli sínu en hann varð 28 ára síðasta þriðjudag.

Lögreglan staðfestir að hafa vitneskju um að Roethlisberger hafi verið á staðnum og staðfesti einnig að Stóri Ben hefði verið sakaður um nauðgun.

Það er þegar búið að taka skýrslu af leikstjórnandanum vegna málsins. Hann er ekki í varðhaldi vegna málsins.

Þetta er í annað sinn sem Big Ben er sakaður um nauðgun. Það gerðist síðast árið 2008. Hann neitaði einnig sök þá og hefur kært konuna til baka um skaðabætur vegna mannorðsmissis.