Framarar og KR-ingar í undanúrslit Lengjubikars karla

Fram og KR tryggðu sér í dag sæti í undanúrslitum Lengjubikars karla. Framarar unnu Keflvíkinga í vítakeppni en KR-ingar burstuðu Íslandsmeistara FH 4-1 á KR-gervigrasinu.

Ívar Björnsson kom Fram í 1-0 en Guðmundur Steinarsson jafnaði í 1-1. Það var ekkert skorað í framlengingunni og í vítakeppninni skoruðu Framarar úr öllum sínum fjórum vítum en Keflvíkingar klúðruðu tveimur vítum og eru því úr leik.

KR vann meistarana í FH sannfærandi 4-1 eftir að staðan hafði verið 1-0 í hálfleik. Guðjón Baldvinsson skoraði tvö mörk fyrir KR, það fyrsta og það síðasta, en hin mörkin gerðu Óskar Örn Hauksson og Björgólfur Takefusa. Ólafur Páll Snorrason jafnaði leikinn fyrir FH.

Upplýsingar um leikina eru fengnar frá vefsíðunni fotbolti.net en þar má finna ítarlegri umfjöllun um leik Fram og Keflavíkur hér og um leik KR og FH hér.