Innlent

Gufustrókarnir í 12-14 þúsund fet

Jón Hákon Halldórsson skrifar
Jón Ársæll Þórðarson er nærri gosstöðvunum.
Jón Ársæll Þórðarson er nærri gosstöðvunum.
„Ég er að fylgjast með gosinu í beinni," segir Jón Ársæll Þórðarson fjölmiðlamaður sem staddur er á Stóru Borg undir Eyjafjöllum.

Jón Ársæll segist sjá gríðarlega skjannahvíta bólstra sem stígi til himins. „Það er ekki eins og hann sé einn heldur margir og þeir bera við bláan himininn," segir Jón Ársæll. Hann segist þó ekki sjá neinn eld. Það séu einungis þessir bólstrar sem sjáist.

Í sama streng tekur Gísli Óskarsson fréttaritari í Vestmannaeyjum. Þaðan sjást strókarnir vel. Gísli segir að um sé að ræða miklu meiri gufu en þá sem lagði upp frá gosinu í Fimmvörðuhálsi. Strókurinn þjóti upp og sé mjög þéttur.

Samkvæmt upplýsingum frá Landhelgisgæslunni ná gufustrókarnir 12-°14 þúsund feta hæð. TF-SIF flaug yfir Eyjafjallajökul fyrir skemmstu. Það var mat manna í vélinni að svo virtist vera sem að gosið kæmi úr hábungu jökulsins.







Eldgos og jarðhræringar Gos á Fimmvörðuhálsi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið